Author: Admin

తెలంగాణ రాజకీయాలు ఎప్పుడు లేనంతగా హీటెక్కుతున్నాయి. అధికార, ప్రతిపక్ష నేతల మధ్య డైలాగ్ వార్ ఓ రేంజ్ లో కొనసాగుతుండగా…ఇటీవల కేసీఆర్ మీడియా సమావేశంలో మాట్లాడుతూ.. తాము ముందస్తుకు సిద్దంగా ఉన్నామని, విపక్షాలు తేదీని ఖరారు చేయాలనీ సవాల్ విసిరారు. ఇందుకు బీజేపీ, కాంగ్రెస్ లు కూడా స్పందించాయి. నాలుగు రోజుల్లో ప్రభుత్వాన్ని రద్దు చేసి రా.. తేల్చుకుందాం నువ్వా- నేనో అంటూ టీపీసీసీ చీఫ్ రేవంత్ ప్రతి సవాల్ విసిరారు. బండి సంజయ్ కూడా ముందస్తుకు తామెప్పుడో ప్రిపేర్ అయి ఉన్నామని స్పష్టం చేశారు. ఈ నేపథ్యంలో ముందస్తు అంశంపై రాజకీయ వర్గాల్లో తీవ్ర చర్చ జరుగుతోంది. 2018లో ముందస్తు ఎన్నికలకు వెళ్ళే సమయంలో భారీ బహిరంగ సభ నిర్వహించి ప్రజల అటెన్షన్ తన వైపు మళ్లించుకున్నా కేసీఆర్.. ఇప్పుడు ఆ పరిస్థితి లేదని నేరుగా ప్రజా క్షేత్రంలోకి వెళ్లాలని నిర్ణయించుకున్నట్లుగా తెలుస్తోంది. వరుణ దేవుడు కరుణించిన తరువాత కేసీఆర్…

ఉమ్మడి మెదక్ జిల్లాలో కాంగ్రెస్ పట్టు బిగుస్తోంది. టీఆర్ఎస్ సర్కార్ వైఫల్యాలతో మెతుకుసీమ వాసులు మళ్ళీ హస్తం వైపు ఆకర్షితులు అవుతున్నారు. రేవంత్ రెడ్డి పీసీసీ బాస్ గా చార్జ్ తీసుకున్నాక కేసీఆర్ సొంత జిల్లా కాంగ్రెస్ కు పూర్వవైభవం తీసుకురావడంలో సక్సెస్ అవుతారా అని రాజకీయ వర్గాలు సైతం ఆసక్తిగా గమనించాయి. ఈ క్రమంలోనే మెదక్ జిల్లాలో కాంగ్రెస్ పునర్ వైభవాన్ని పొందేందుకు తీవ్రంగా కసరత్తు చేస్తున్నట్టు తెలుస్తోంది. కాంగ్రెస్ బలోపేతానికి మెదక్ నుంచే పునాది పడాలని గజ్వేల్ లో జరిగిన దళిత , గిరిజన ఆదివాసీ దండోరా సభలో ప్రకటించిన రేవంత్.. అన్నట్టుగానే తన వర్క్ షురూ చేసినట్టుగా కనిపిస్తోంది. ఇందులో భాగంగా ఉమ్మడి మెదక్ కాంగ్రెస్ నేతలు నిత్యం ప్రజా క్షేత్రంలోనే ఉంటున్నారు. ప్రధానంగా మెదక్ పార్లమెంట్ కాంగ్రెస్ ఇంచార్జ్ గాలి అనిల్ కుమార్ కాలికి బలపం కట్టుకున్నట్టుగా పార్లమెంట్ నియోజకవర్గ పరిధిలోని గ్రామాలను అన్నింటిని చుట్టేస్తున్నారు.…

తెలంగాణలోనూ ఎక్ నాథ్ షిండే లు పుట్టుకొస్తారని బీజేపీ నేతల ప్రకటనలతో టీఆర్ఎస్ అలర్ట్ అయింది. ఈ విషయంలో బీజేపీకి కౌంటర్ ఇచ్చిన కేసీఆర్ పలువురు కీలక నేతలపై కన్నేసి ఉంచినట్లుగా తెలుస్తోంది. ఎవరెవరు బీజేపీ, కాంగ్రెస్ నేతలతో టచ్ లో ఉన్నారని నిఘా వర్గాలతో ఎప్పటికప్పుడు సమాచారాన్ని సేకరిస్తున్నట్టుగా తెలుస్తోంది. తెలంగాణలో వచ్చే ఎన్నికల్లో పీకే సర్వే ఆధారంగా గెలుపు గుర్రాలకే టీఆర్ఎస్ టికెట్లు ఖరారు చేయనుంది. ఈ నేపథ్యంలో ఈసారి 30 మంది సిట్టింగ్ లకు నిరాశ తప్పదని తెలుస్తోంది. అందులో భాగంగా ఆ ఎమ్మెల్యేలు కేసీఆర్ ను కలిసేందుకు అపాయింట్ మెంట్ కోరుతోన్నా సీఎం సాబ్ కరుణించడం లేదట. పార్టీలో ఉంటే ఉండండి.. లేదంటే వెళ్ళండనే విధంగా పక్కకు పెడుతుండటంతో .. ఇదే అదునుగా భావించిన కమలం క్యాంప్ కొంతమంది ఎమ్మెల్యేలతో సంప్రదింపులు షురూ చేసినట్లుగా రాజకీయ వర్గాల్లో ప్రచారం జరుగుతోంది. ఈ నేపథ్యంలోనే బీజేపీ రాజ్యసభ…

టీఆర్ఎస్ ఎన్నికల వ్యూహకర్త పీకే సర్వేలో టీఆర్ఎస్ కు ప్రతికూల ఫలితాలు వస్తున్నాయని సోషల్ మీడియాలో జోరుగా ప్రచారం జరుగుతోన్న నేపథ్యంలో ఆరా సర్వే అధికార పార్టీకి అనుకూల రిజల్ట్ ఇచ్చినట్లుగా తెలుస్తోంది. పెద్దగా నెట్వర్క్ లేని ఆరా తెలంగాణలో ప్రజల పల్స్ పట్టుకున్నామని.. వచ్చే ఎన్నికల్లో టీఆర్ఎస్ అధికారంలోకి వస్తుందని తమ సర్వే రిజల్ట్ ను షేర్ చేసింది. ఇప్పటికే టీఆర్ఎస్ అనుకూల సర్వే సంస్థగా పేరొందిన ఆరా… ప్రస్తుత పరిస్థితిని కాస్త టీఆర్ఎస్ కు ప్రతికూలమని చెప్తూనే..బీజేపీ – టీఆర్ఎస్ మధ్య పోటీ ఉంటుందని కాంగ్రెస్ ను కావాలనే వెనక్కి తోసినట్టుగా స్పష్టం అవుతోంది. తెలంగాణలోని ఉమ్మడి పది జిల్లాలో ఏకంగా ఏడు జిల్లాలో బీజేపీ – టీఆర్ఎస్ మధ్య టఫ్ ఫైట్ కొనసాగుతుందని , కేవలం మూడు జిల్లాలో టీఆర్ఎస్ – కాంగ్రెస్ మధ్య పోటీ ఉంటుందని కాంగ్రెస్ ప్రభావాన్ని పలుచన చేసే ప్రయత్నం చేసింది. ఎన్నికల…

అమర్‌నాథ్ యాత్రలో విషాదం చోటుచేసుకుంది. అకస్మాత్తుగా కురిసిన కుండపోత వర్షానికి కొండలపై నుంచి వరద పోటెత్తింది. ఈ వరదలో 13 మంది ప్రాణాలు కోల్పోగా.. 40 మంది దాకా గల్లంతైనట్లు సమాచారం. అమర్‌నాథ్ యాత్రకు రాష్ట్ర ఎమ్మెల్యే రాజాసింగ్ తన పరివారంతో కలిసి వెళ్లారు. ఆయన, తన కుటుంబం అంతా క్షేమంగా ఉన్నట్లు రాజాసింగ్ ఓ వీడియో విడుదల చేశారు. వారిని అక్కడి పోలీసులు సురక్షిత ప్రాంతానికి తరలించినట్లు తెలిపారు. ఇటీవల నా కుమార్తె వివాహం జరిగింది. కుమార్తె, అల్లుడితో పాటు 11 మంది కుటుంబ సభ్యులతో ఈనెల 6న అమర్‌నాథ్‌ యాత్ర కోసం హైదరాబాద్‌ నుంచి బయలుదేరాం. వాతావరణం అనుకూలించక హెలికాప్టర్‌ రద్దు కావడంతో దిల్లీ నుంచి అతికష్టం మీద గురువారం సాయంత్రం పంచతరణికి చేరుకున్నాం. రాత్రి అక్కడ ఓ టెంట్‌లో నిద్రించి శుక్రవారం ఉదయం ఆరు గంటలకు గుర్రాలపై అమర్‌నాథ్‌కు చేరుకున్నాం.” అని రాజాసింగ్ తెలిపారు. “మధ్యాహ్నం ఒంటి…

2014 జూన్ ! డాలర్ తో రూపాయి మారకం విలువ రూ. 59. 15 2022 జూన్ 29 … 78. 97 పైసలకు పతనమై.. 80 రూపాయిలకు చేరవు అవుతోన్న రూపాయి విలువ ! నరేంద్ర మోదీ పరిపాలన మొదలైన తర్వాత 8 ఏళ్లలో అంతర్జాతీయ మార్కెట్ లో రూపాయి విలువ ఎన్నడూ చూడని కనిష్ట స్థాయికి పడిపోయింది. ఆ పతనం ఆగకుండా కొనసాగుతూనే ఉంది. 2022 జనవరి 12న ఒక డాలర్‌కి రూపాయి మారకం రూ. 73.77గా ఉంది. అప్పటి నుంచి మన కరెన్సీ విలువ రూ.5 పడిపోయి, బుధవారం (జూన్ 29 ) నాటికి రూ.78.97కి చేరుకుంది. అతితక్కువ సమయంలో ఈ స్థాయిలో గతంలో ఎన్నడూ రూపాయి విలువ ఇంతలా పడిపోలేదు. 2022 – 23 ఆర్థిక సంవత్సరం చివరి నాటికి రూపాయి మరింతగా క్షీణించి రూ. 81 కి చేరవచ్చని ఆర్థిక నిపుణులు అంచనా వేస్తున్నారు.…

నిర్వాసితులకు పరిహారం చెల్లించాలి ప్రాజెక్టుల పేరుతో అరాచకాలు చేస్తున్న ప్రభుత్వంరైతులపై లాఠీఛార్జీ, సంకెళ్లు వేయడంపై నీలదీతకేసీఆర్‌కు రేవంత్ బహిరంగ లేఖ, తీవ్రంగా మండిపాటు తెలంగాణ ప్రభుత్వం ప్రాజెక్టులు, సాగునీరు పేరుతో అరాచకాలకు పాల్పడుతోందని టీపీసీసీ అధ్యక్షుడు రేవంత్ రెడ్డి మండిపడ్డారు. ఈ మేరకు సీఎం కేసీఆర్‌కు బహిరంగ లేఖ రాశారు. ప్రాజెక్టుల గురించి వందల కోట్ల రూపాయలు వెచ్చించి ప్రచారం చేసుకుంటున్నారని విమర్శించారు. పరిహారం అడిగిన నిర్వాసితులపై లాఠీఛార్జ్ చేసి, చేతులకు బేడీలు వేస్తున్నారని ధ్వజమెత్తారు. గతంలో ఖమ్మంలో ఆదివాసీ మిర్చి రైతులకు సంకెళ్లు వేశారని గుర్తుచేశారు. నిర్వాసితుల సమస్యను పరిష్కరించకుండా కాలయాపన చేయడం సమంజసమా…? అని ప్రశ్నించారు. నిర్వాసితులకు న్యాయం చేసిన తర్వాతే ప్రాజెక్టు పనులు ప్రారంభించాలని స్పష్టం చేశారు. రైతులపై పెట్టిన కేసుల్ని తక్షణమే ఉపసంహరించుకోవాలని డిమాండ్ చేశారు. 2013 భూసేకరణ చట్టం ప్రకారం నిర్వాసితులు కోరకున్న విధంగా పరిహారం ఇవ్వాలని అన్నారు. సిద్దిపేట జిల్లాలోని రీడిజైన్‌తో ముంపు…

టీడీపీ వ‌ద్ద‌నుకుంటున్న‌ ఆ ఎంపీని వైసీపీ చేర్చుకుంటుందా? బెజవాడ రాజకీయం కాకరేపుతోంది. ముఖ్యంగా ఎంపీ కేశినేని నాని వ్యవహారం తీవ్ర దుమారం రేపుతోంది. టీడీపీతో కొంత కాలంగా అంటీముట్టనట్లు ఉంటున్న కేశినేని నాని.. పార్టీలోనే ఉంటారా.? లేక వైసీపీలోకి జంప్‌ అయిపోతారా.? అన్నది చర్చనీయాంశమైంది. ఈ ప్రశ్నలు రావడానికి కారణాలు లేకపోలేదు. కొద్దిరోజులుగా నాని వ్యవహారం.. సొంతపార్టీ నేతలకే ఇబ్బందికరంగా మారింది. అసలు ఇయన పార్టీలో ఉన్నాడా లేదా.? అన్న చర్చ జరుగుతోందంటే.. పార్టీ క్యాడర్‌తో ఆయన ఎంత టచ్‌లో ఉన్నారో అర్థమవుతోంది. ముందు ప్రజారాజ్యం నుంచి పోటీ చేసి ఓడిపోయిన కేశినేని నాని.. ఆ తర్వాత టీడీపీలోకి ఎంట్రీ ఇచ్చారు. టీడీపీ నుంచి రెండు సార్లు ఎంపీగా పోటీ చేసి విజయం సాధించారు. ఇటీవల జరిగిన విజయవాడ కార్పొరేషన్ ఎన్నికల్లో కుమార్తెను బరిలోకి దించి కార్పొరేటర్‌గా గెలిపించుకున్నారు. అయితే కొద్దిరోజులుగా పార్టీలో ఇమడలేకపోతున్న కేశినేని.. అధికార పార్టీ వైపు చూస్తున్నారని…

రాష్ట్రపతి ఎన్నికకు విపక్షాల ఉమ్మడి అభ్యర్థిగా కేంద్ర మాజీ మంత్రి యశ్వంత్‌ సిన్హా పేరు ఖరారైంది. ఎన్సీపీ అధినేత శరద్‌ పవార్‌ నేతృత్వంలో జరిగిన విపక్షాల భేటీలో యశ్వంత్ సిన్హా పేరును కాంగ్రెస్ నేత జైరాం రమేశ్ ప్రకటించారు. ప్రతిపక్ష పార్టీలన్నీ యశ్వంత్‌ సిన్హా పేరును ఏకగ్రీవంగా నిర్ణయించినట్టు తెలిపారు. రాష్ట్రపతి ఎన్నికల్లో పోటీ చేసేందుకు యశ్వంత్‌ సిన్హా కూడా ఇప్పటికే సుముఖత వ్యక్తం చేశారు. జూన్ 27న ఉదయం 11.30గంటలకు రాష్ట్రపతి అభ్యర్థిగా యశ్వంత్‌ సిన్హా నామినేషన్ దాఖలు చేయనున్నట్టు ఎన్సీపీ అధినేత శరద్‌ పవార్‌ వెల్లడించారు. ఇప్పటికే తెలంగాణ సీఎం కేసీఆర్ కూడా మద్దతు తెలిపారని శరద్ పవార్ చెప్పారు. ఎన్నికల్లో తనకు మద్దతివ్వాలని అన్ని పార్టీలకు యశ్వంత్‌ సిన్హా విజ్ఞప్తి చేశారు. సిన్హా రాజకీయ నేపథ్యమిది.. 1984లో ఐఏఎస్‌కు రాజీనామా చేసిన యశ్వంత్‌ సిన్హా జనతా పార్టీలో చేరారు. 1988లో రాజ్యసభకు ఎన్నికయ్యారు. 1996లో బీజేపీ జాతీయ…

తెలంగాణలో రాజకీయాలు వేడెక్కాయి. ఎన్నికలకు మరో ఏడాదిన్నర సమయమే ఉండటంతో… అధికార, విపక్షాలు వ్యూహాలు రచిస్తున్నాయి. అభివృద్ధి, సంక్షేమ కార్యక్రమాల్ని ప్రజల్లోకి విస్తృతంగా తీసుకెళ్లడం ద్వారా గెలుపు బావుటా ఎగురవేయాలని టీఆర్ఎస్ ప్రయత్నిస్తోంది. ప్రభుత్వ ప్రజావ్యతిరేకతను జనంలో ఎండగట్టాలని విపక్షాలు సన్నద్ధమవుతున్నాయి. ఇప్పటికే బీజేపీ జాతీయ ముఖ్యనేతలు తెలంగాణలో వరుస పర్యటనలతో శ్రేణుల్లో ఉత్సాహం నింపుతున్నారు. అదే విధంగా కాంగ్రెస్ కూడా పూర్వ వైభవం కోసం ప్రయత్నాలు ముమ్మరం చేసింది. ముఖ్యనేత రాహుల్ గాంధీ వరంగల్ సభతో ఆ పార్టీలో జోష్ పెరిగింది. ఆ పార్టీ నేతలు వరంగల్ రైతు డిక్లరేషన్ ను ప్రజల్లోకి విస్తృతంగా తీసుకెళ్తున్నారు. పార్టీ ఎజెండా నచ్చడంతో పలువురు కాంగ్రెస్ లోకి వస్తున్నారు. కాంగ్రెస్ లో జోష్ రైతులకు మేలు జరగాలన్నా… ప్రజల సమస్యలు పరిష్కారం కావాలన్నా కాంగ్రెస్ తోనే సాధ్యమనే విషయాన్ని ఆ పార్టీ నేతలు జనాలకు వివరిస్తున్నారు. గ్రామగ్రామాన రచ్చబండ కార్యక్రమాలు నిర్వహిస్తూ.. ప్రజా…