రణస్థలంలో జరిగిన బహిరంగ సభలో హైపర్ అది స్పీచ్ చూశాక ఆయన పొలిటికల్ ఎంట్రీ ఖాయంగా కనిపిస్తోంది. మొదటి నుంచి జనసేన సానుభూతి పరుడిగా ఉన్న హైపర్ ఆది.. పవన్ కళ్యాణ్ పై విమర్శలు వస్తే ఏనాడూ సహించలేదు. వెంటనే జబర్దస్త్ ద్వారానో, సోషల్ మీడియాలోనే పవన్ ప్రత్యర్ధులపై చెలరేగిపోతుండటం చూస్తూనే ఉన్నాం. అలాగే అప్పుడప్పుడు జనసేన కార్యక్రమాల్లోనూ పాల్గొంటుంటారు.
ఇటీవల రణస్థలం వేదికగా జరిగిన యువశక్తి సభలో హైపర్ ఆది మాట్లాడారు. ఆయన ప్రసంగం జనసేన కార్యకర్తల్లో ఉత్తేజం నింపింది. ఆయన ఉపన్యాసం చూసిన వారంతా హైపర్ ఆదికి పార్టీలో మంచి భవిష్యత్ ఉంటుందని చెప్తున్నారు. ఈ క్రమంలోనే జనసేన వర్గాల్లో ఆసక్తికరమైన చర్చ జరగుతోంది. 2024 ఎన్నికల్లో హైపర్ ఆదికి టికెట్ పై పవన్ కళ్యాణ్ హామీ ఇచ్చినట్లు ప్రచారం జరుగుతోంది.
ఆది ఏ నియోజకవర్గం నుంచి పోటీ చేయాలనేది కూడా పవన్ ఫిక్స్ చేశారని జనసేన వర్గాల్లో గుసగుసలు వినిపిస్తున్నాయి. హైపర్ ఆది ప్రకాశం జిల్లాకు చెందినవాడు. ఈ క్రమంలో ఆ జిల్లా నుంచే ఆయనకు సీటు కేటాయిస్తున్నారట. దర్శి నియోజకవర్గం నుండి హైపర్ ఆది పోటీ చేయడం ఖాయం అంటున్నారు. దర్శి అసెంబ్లీ నియోజకవర్గం నుండి హైపర్ ఆదిని పోటీ చేయమని పవన్ కళ్యాణ్ ఆదేశించారట. ఇప్పుడిదే టాలీవుడ్ తో పాటు రాజకీయ వర్గాల్లో హాట్ టాపిక్ గా మారింది.
ఏదీ ఏమైనా హైపర్ ఆది వంటి నిజాయితీగల జనసేన కార్యకర్తలను పవన్ కళ్యాణ్గుర్తించడం గొప్ప పరిణామం. వచ్చే ఎన్నికల్లో పదుల సంఖ్యలో సామాన్యులు జనసేన పార్టీ తరపున పోటీ చేసే సూచనలు కనిపిస్తున్నాయి.
Also Read : వచ్చే ఎన్నికల్లో పవన్ కళ్యాణ్ పోటీ చేసేది ఇక్కడి నుంచేనా..?
Also Read : హైపర్ ఆది జబర్దస్త్ మానేయడానికి కారణం ఆమెనా..?
Also Read : హైపర్ ఆదిపై రెచ్చిపోయిన శ్రీరెడ్డి – కారణం రోజానేనా..?
