సినీ ఇండస్ట్రీలో అప్పుడప్పుడు సడెన్ సర్ప్రైజ్ లు మామూలే. అదేంటో తెలుసుకోవాలని ఆతృతగా ఉందా..? మరి ఇంకెందుకు ఆలస్యం ఈ స్టొరీపై లుక్కేయండి.
టాలెంట్ ఉన్న ప్రతి ఒక్కరు ఎదో ఒక టైంలో తెరపై కనిపించే అవకాశం ఉంది. కొంతమంది లీడ్ రోల్ పోషిస్తే.. మరికొంతమంది సైడ్ క్యారెక్టర్ రోల్ చేస్తున్నారు. అయితే.. ఇటీవల నటీనటులే కాదు డైరక్టర్లు కూడా నటనలో భాగం అవుతున్నారు. అలా ఓ ఫుల్ లెన్త్ డాక్యూమెంటరీలో స్టార్ డైరెక్టర్ కనిపించనున్నారు. ఇదేదో సైడ్ క్యారెక్టర్ లోనో కాదండోయ్. లీడ్ రోల్ లో కనిపించనున్నారు. ఆ డైరక్టర్ ఎవరో కాదు.. తెలుగు సినిమా ఖ్యాతిని ప్రపంచానికి చాటిన దర్శకధీరుడు రాజమౌళి.
రాజమౌళి హీరోగా సినిమా ఏమైనా చేస్తున్నాడా? అనే అనుమానం మీకు రావొచ్చు. అయితే ఇంచుమించుగా అలాంటిదే. రాజమౌళి లీడ్ రోల్ లో ఓ డాక్యూమెంటరీలో కనిపించనున్నారు. బాహుబలి, ఆర్ఆర్ఆర్ సినిమాలతో వరల్డ్ వైడ్ గా తనదైన గుర్తింపు సంపాదించుకున్న రాజమౌళి… ఆర్ఆర్ఆర్ సినిమాను ఆస్కార్ బరిలో నిలిపి ప్రపంచవ్యాప్తంగా సెన్సేషన్ క్రియేట్ చేశారు.
తాజాగా రాజమౌళిపై ఓ డాక్యూమెంటరీ రూపొందించారు. బాలీవుడ్ కి చెందిన అప్లాజ్ ఎంటర్టైన్మెంట్స్, ఫిల్మ్ కంపానియన్ సంస్థలు కలిసి ‘మోడ్రన్ మాస్టర్స్’ అని డాక్యూమెంటరీ సిరీస్ ని తీశారు. ఈ సిరీస్ ద్వారా ఇండియాలో ప్రముఖ టెక్నీషియన్స్ ని లైఫ్ స్టైల్, వర్కింగ్ స్టైల్, డైలీ హ్యాబిట్స్, ట్రావెల్స్, కెరీర్ వంటి అంశాలతో వారిపై డాక్యుమెంటరీ నిర్మిస్తున్నారు. ఈ డాక్యూమెంటరీ సిరీస్ లో మొట్టమొదటి ఎపిసోడ్ ని రాజమౌళిపైనే చిత్రీకరించారు.
ఈ సిరీస్ కోసం కొన్ని విజువల్స్ లో రాజమౌళి నటించారు. ఇప్పటికే ఈ సిరీస్ షూటింగ్ పూర్తికాగా దీనికి సంబంధించిన ప్రోమో తాజాగా రిలీజ్ చేశారు. రాజమౌళి లీడ్ రోల్ లో కనిపించబోతున్నాడని తెలిసి ఫ్యాన్స్, ఆడియెన్స్ ఎంతో ఆసక్తిగా పూర్తి ఎపిసోడ్ కోసం ఎదురు చూస్తున్నారు.
