బిగ్ బాస్ బ్యూటీ అషు రెడ్డికి అదృష్టం తొందరగానే తలుపు తట్టింది. చాలా తక్కువ కాలం వ్యవధిలోనే హీరోయిన్ గా మెరిసే లక్కీ ఛాన్స్ కొట్టేసింది.
టాలీవుడ్ నటుడు అరవింద్ కృష్ణ ఇటీవలే ఓ కొత్త సినిమాను ప్రకటించిన సంగతి తెలిసిందే. “ఏ మాస్టర్ పీస్” టైటిల్ తో తెరకెక్కనున్న ఈసినిమాలో హీరోయిన్ గా అషు రెడ్డిని ఎంపిక చేసినట్లు తెలుస్తోంది. ఈ చిత్రానికి సుకు దర్శకత్వం వహిస్తుండగా కండ్రగుల శ్రీకాంత్ నిర్మిస్తున్నారు.
ఈ సినిమాకు సంబంధించిన టైటిల్ లుక్ ను రిలీజ్ చేశారు. అద్భుతంగా ఉందంటూ ప్రశంసలు కూడా వచ్చాయి. ఇదిలా ఉండగా, 2018లో అషు రెడ్డి వెండితెరపై కనిపించింది. నితిన్ , మేఘా ఆకాష్ కాంబోలో వచ్చిన “ఛల్ మోహన్ రంగ” చిత్రంలో అషు ఓ పాత్రలో కనిపించింది. ఆ తరువాత ఆమెకు సినిమాలో నటించే అవకాశాలే రాలేదు.
చాన్నాళ్ళ తరువాత అషుకు మళ్ళీ సినిమాలో నటించే అవకాశం దక్కింది. అందులో హీరోయిన్ పాత్ర అనగానే అషు ఆనందంతో ఎగిరిగంతేసి ఉండొచ్చు. హీరోయిన్ గా అషు ఛాన్స్ కొట్టేసిందనే వార్తతో ఆమె అభిమానులు సంతోషం వ్యక్తం చేస్తున్నారు.
