బుల్లితెరపై ఎన్నో షో లు వస్తుంటాయి. తెరమరుగు అవుతుంటాయి. కాని కొన్ని షో లు చెరగని ముద్ర వేసి అలా నిలిచిపోతాయి. అలా అందరి హృదయాల్లో స్థానం సంపాదించుకున్న షో ” అలీతో సరదాగా”.
ఈ షో కు కమెడియన్ అలీ యాంకర్ గా వ్యవహరిస్తున్నారు. ఈ షోకు వచ్చే గెస్ట్ లను అలీ ఆట పట్టిస్తూ సరదాగా సాగిపోయే షో గా నిలిపాడు. అప్పుడప్పుడు ఈ షో ఎమోషనల్ గా కూడా అనిపిస్తుంది. ఫన్, ఎమోషన్ కలబోతతో ఉండే ఈ షో కు భారీగానే ప్రేక్షక ఆదరణ ఉంటుంది. డిసెంబర్ 19వ తేదీకి సంబంధించిన ఎపిసోడ్ ప్రోమోను తాజాగా రిలీజ్ చేశారు. తాజా ఎపిసోడ్ కు యాంకర్ సుమ కనకాల గెస్ట్ గా వచ్చారు. ఇద్దరు సరదాగా నవ్వుతు,నవ్విస్తూ షోను ఆద్యంతం ఆసక్తికరంగా మార్చేసినట్లు తెలుస్తోంది. ఈ ఎపిసోడ్ లో తనకు, పవర్ స్టార్ పవన్ కళ్యాణ్ కు మధ్య గ్యాప్ ను వివరించాడు అలీ.
పవర్ స్టార్, అలీ లు మంచి స్నేహితులు.అప్పట్లో పవన్ ఏ చేసినా దాదాపు ఆ సినిమాలో అలీ తప్పకుండా ఉండేలా చూసుకున్నారు. రాజకీయాల వలన ఇద్దరు వేర్వేరు అయ్యారు. కాని వారి మధ్య సాన్నిహిత్యం అలాగే ఉందని అనుకున్నా, ఇటీవల అలీ కూతురి పెళ్లికి పవన్ హాజరు కాకపోవడంతో విబేధాలు వచ్చాయని ప్రచారం జరిగింది. దాంతో ఈ ఇద్దరి మధ్య గ్యాప్ ఎలా వచ్చిందో తెలుసుకోవాలని అందరికి ఉంటుంది. సుమకు కూడా అదే డౌట్ వచ్చింది. దాంతో అలీతో సరదాగా షో కు గెస్ట్ గా వచ్చిన సుమ ఇందుకోసం యాంకర్ అయిపోగా.. అలీ గెస్ట్ గా మారారు.
మీకు , పవన్ కళ్యాణ్ కు ఎందుకు గ్యాప్ వచ్చిందని సుమను అలీ ప్రశ్నించారు. నాకు, పవన్ కళ్యాణ్ కు మధ్య గ్యాప్ వచ్చిందనేది అబద్దం. దీనిని బయటి వ్యక్తులే సృష్టించారు. ఇటీవల జరిగిన మా అమ్మాయి పెళ్లికి రావాలని పవన్ కళ్యాణ్ వద్దకు స్వయంగా వెళ్లి ఆహ్వానించాను. ఆయన కూడా తప్పకుండా వస్తానని చెప్పినట్లు అలీ చెప్పారు. కాని ఎదో మీటింగ్ ఉండటం వలన సమయానికి ఫ్లైట్ ను పవన్ కళ్యాణ్ అందుకోలేకపోయారని క్లారిటీ ఇచ్చారు. ఆ తరువాత మీ మొదటి ప్రేమ గురించి చెప్పండని సుమ అడిగితే.. అలీ సిగ్గు పడిపోతు ఫస్ట్ లవ్ గురించి చెప్పాడు. అలాగే , తనచిన్నతనంలో జరిగిన ఓ సంఘటనను తలుచుకొని ఎమోషనల్ అయ్యాడు అలీ.
డిసెంబర్ 19న ప్రసారం అయ్యే పూర్తి ఎపిసొడ్ కోసం పీకే, అలీ ఫ్యాన్స్ ఎదురుచూస్తున్నారు.
