సినీ ఇండస్ట్రీలో ఒక్కొక్కరు బ్యాచిలర్ లైఫ్ కు గుడ్ బై చెప్పేస్తున్నారు. వరుసగా ఒకరెనుక ఒకరు పెళ్లిపీటలెక్కుతున్నారు. ఇటీవల బెంగళూరు కు చెందిన అనుషను టాలీవుడ్ యంగ్ హీరో నాగ శౌర్య వివాహం చేసుకోగా.. స్టార్ హీరోయిన్ హన్సిక ప్రియుడితో కలిసి ఎంగేజ్ మెంట్ చేసుకుంది. తాజాగా మరో జంట వైవాహిక జీవితంలోకి అడుగు పెట్టేందుకు రెడీ అయినట్లు తెలుస్తోంది.
హీరోయిన్ హరిప్రియ, కేజీఎఫ్ ఫేమ్ నటుడు వశిష్ఠ సింహాలు జంటగా కనిపించిన ఫోటోలు సోషల్ మీడియాలో వైరల్ గా మారాయి. దుబాయ్ నుంచి బెంగళూర్ కి తిరిగి వస్తుండగా విమానాశ్రయంలో మీడియా కంటికి చిక్కారు. ఇంకేముంది. వీరి లవ్ ఎపిసోడ్ క్షణాల్లో ఇండస్ట్రీ అంత పాకింది.
వీరిద్దరి మధ్య చాలా కాలంగా ప్రేమాయణం కొనసాగుతుందని.. పెళ్లి కూడా చేసుకోవాలని ఆలోచనతో ఉన్నారని ఇండస్ట్రీ వర్గాలు అంటున్నాయి. ఈ నెల మొదటి వారంలో నిశ్చితార్ధం చేసుకొని… వచ్చే నెలలో పెళ్లి చేసుకోవాలని తలంపుతో ఉన్నారనే గుసగుసలు వినిపిస్తుండగానే వీరు మీడియా కంట కనపడ్డారు. అయితే, పెళ్లికి సంబంధించిన షాపింగ్ కోసమే దుబాయ్ వెళ్ళారనే టాక్ నడుస్తోంది.
హీరోయిన్ గా హరిప్రియ, నారప్ప మూవీ విలన్ గా వశిష్ఠ తెలుగు ప్రేక్షకులకు సుపరిచితమే. హరిప్రియ మాత్రం తెలుగులో చాలా సినిమాలే చేసింది. పిల్ల జమీందార్, అబ్బాయ్ క్లాస్ అమ్మాయి మాస్, జై సింహ, బెల్ బాటమ్ లాంటి సినిమాలతో మంచి క్రేజ్ సంపాదించుకుంది. వశిష్ఠ.. కేజీఎఫ్ సినిమాలతో క్రేజ్ తెచ్చుకున్నాడు.
కాగా.. వీరిద్దరి పెళ్లి ప్రకటనపై త్వరలోనే అప్డేట్ రానుందని అంటున్నారు.
