మానవ సంబంధాలు గాడి తప్పుతున్నాయి. వావివరుసలు మరిచి అక్రమ సంబంధాలు పెట్టుకుంటూ నిండు జీవితాలను బలిచేసుకుంటున్న కథనాలు నిత్యం వెలుగు చూస్తున్నాయి. తెలిసి తెలియని వయస్సులో టీనేజ్ పిల్లలు అక్రమ సంబంధం పెట్టుకున్నట్టుగానే వివాహితులు కూడా వ్యవహరిస్తున్నారు. వివాహ బంధాన్ని అపహాస్యం చేస్తున్నారు.
అక్రమ సంబంధాలతో కొన్ని కుటుంబాలు రోడ్డున పడుతున్నాయి. వయో బేధం లేకుండా, వావి వరుసలు లేకుండా క్షణికావేశంలో తీసుకునే నిర్ణయాల వలన కొన్ని కుటుంబాలు అనాధలు అయిపోతున్నాయి. భార్యాభర్తల ఇద్దరి మధ్య సఖ్యత లేకపోవడం వల్ల వారి కష్ట సుఖాలను పంచుకోవడానికి క్షణికావేశంలో తీసుకునే నిర్ణయాలు నిండు ప్రాణాలను బలి తీసుకుంటున్నాయి.
ఇలాంటి ఘటన నంద్యాల జిల్లా బేతంచెర్ల మండలం ఆర్.యస్ రంగాపురం గ్రామంలో చోటు చేసుకుంది. గ్రామానికి చెందిన సునీతకు పెళ్లై భర్త ఉన్నాడు. కాని ఆమె కొంతకాలంగా తనకు వరసకు మరిది అయ్యే అశోక్ అనే వ్యక్తితో వివాహేతర సంబంధం కొనసాగిస్తోంది. విషయం ఇంట్లో తెలిసి సునీతను పలుసార్లు మందలించారు.
అయినా పద్ధతి మార్చుకోకపోవడంతో ఇద్దరినీ గ్రామ పెద్దలసమక్షంలో నిలదీశారు. ఊరందరి ముందు మందలించడంతో అవమానంగా భావించి ఆత్మహత్య చేసుకున్నారు. తొలుత ఒకే గదిలోకి వెళ్లిన ఇద్దరు.. పురుగుల మందు తాగి ఆపై ఫ్యానుకు ఉరేసుకొని ఆత్మహత్యకు పాల్పడ్డారు.
