స్టార్ కమెడియన్ హైపర్ ఆదికి చేదు అనుభవం ఎదురైంది. శ్రీదేవి డ్రామా కంపెనీ స్టేజ్ పైనే ఆదికి గుండు కొట్టేశారు. ఎందుకు ఆదికి గుండు కొట్టేశారని అభిమానులు కూడా షాక్ అయ్యారు. ఇందుకు సంబంధించిన వీడియో సోషల్ మీడియాలో వైరల్ అవుతుండగా ఈ విషయంపై తలో రకంగా మాట్లాడుకుంటున్నారు నెటిజన్లు.
హైపర్ ఆది గురించి ప్రత్యేకంగా చెప్పాల్సిన పనిలేదు. జబర్దస్త్ లోకి రైటర్ గా ఎంట్రీ ఇచ్చి టీం లీడర్ గా ఎదిగాడు. సుధీర్ స్కిట్ కోసం ఎగబడి చూసిన జనాలు అంతే ఇంట్రెస్ట్ తో ఆది స్కిట్ లో అతను వేసే పంచ్ ల కోసం ఎదురుచూస్తుంటారు. ఇక, జబర్దస్త్ లోనే కాకుండా ప్రతి ఆదివారం మధ్యాహ్నం ప్రసారమయ్యే శ్రీదేవి డ్రామా కంపెనీ షో లోనూ ఆది లీడ్ రోల్ పోషిస్తున్నారు.
Also Read : రెండో పెళ్లికి మీనా గ్రీన్ సిగ్నల్ – వరుడు అతనే
శ్రీదేవి డ్రామా కంపెనీలో షాకింగ్ టాస్క్ చేశారు ఆది. గతవారం యూట్యూబ్ థంబ్ నెయిల్స్ గురించి స్కిట్ చేశారు. ఇందులో భాగంగా అతనికి ఓ టాస్క్ ఇచ్చారు. ఓ నెంబర్ ను ఆది సెలక్ట్ చేసుకోవాల్సి ఉంటుంది. ఆ నెంబర్ వెనక ఏముంటే అది చేయాలని యాంకర్ రష్మీ ముందుగానే కండిషన్స్ చెబుతుంది. అందుకు ఆది కూడా ఒకే చెప్పేస్తాడు.
ఇందులో భాగంగా ఆది 11వ నెంబర్ ను ఎంపిక చేసుకుంటాడు. ఆ నెంబర్ వెనక గుండు కొట్టించుకోవాలని ఉంటుంది. దాంతో ఒప్పందం ప్రకారం ఆది గుండు కొట్టించుకోవాల్సిందేనని కమెడియన్స్ పట్టుబడుతారు. ఇక చేసేదేం లేక ఆది కూడా గుండు కొట్టించుకునేందుకు రెడీ అయినట్లు ప్రోమోని రిలీజ్ చేశారు.
అయితే, ఇదంతా టీఆర్పీ కోసం చేశారని నెటిజన్లు అంటున్నారు.
Also Read : శ్రీకాంత్ బలవంతం చేశాడు – అనితా చౌదరి షాకింగ్ కామెంట్స్
