టీమిండియా యంగ్ బ్యాట్స్ మెన్ శుభ్ మన్ గిల్ గుజరాత్ జట్టు నుంచి తప్పుకోనున్నారా..? హైదరాబాద్ నుంచి ఆఫర్ రావడంతో గుజరాత్ టీమ్ నుంచి వైదొలగనున్నాడా..? సన్ రైజర్స్ టీమ్ నుంచి గిల్ కు ఇచ్చిన ఆఫర్ ఏంటి..? అనే అంశాలపై స్పోర్ట్స్ సర్కిల్లో పెద్ద చర్చ నడుస్తోంది.
ఐపీఎల్ లో గుజరాత్ టీమ్ ఓపెనర్ గా సత్తా చాటిన శుభ్ మన్ గిల్ వచ్చే ఏడాది హైదరాబాద్ జట్టు తరుఫున బరిలోకి దిగే అవకాశం ఉందని ప్రచారం జరుగుతోంది. హైదరాబాద్ మేనేజ్ మెంట్ నుంచి గిల్ కు ఆఫర్ రావడంతో గుజరాత్ టీమ్ నుంచి తప్పుకోవాలని ఈ యువ సంచలనం నిర్ణయం తీసుకున్నారని అంటున్నారు.
గడిచిన ఐపీఎల్ రెండు సీజన్లలో గుజరాత్ అద్భుత విజయాలను సాధించింది. ఇందులో శుభ్ మన్ గిల్ పాత్ర కాదనలేది. ఓపెనర్ కీలక భాగస్వామ్యలను నెలకొల్పి జట్టు భారీ స్కోర్ చేయడంలో తన వంతు పాత్ర పోషించిన గిల్ ఈ ఏడాది ఆరేంజ్ క్యాప్ ను దక్కించుకున్నాడు.
భీకర ఫామ్ లోనున్న గిల్ ను జట్టులోకి తీసుకోవాలని ఆయా ప్రాంచైజీలు ఆసక్తిగా ఉన్నాయి. హైదరాబాద్ జట్టు వేలం కంటే ముందుగానే గిల్ తో సంప్రదింపులు జరిపినట్లు చెబుతున్నారు. పైగా.. జట్టు సారధ్య బాధ్యతలు కూడా అప్పగిస్తామని గిల్ కు ఆఫర్ ఇచ్చినట్లు తెలుస్తోంది.
గిల్ హైదరాబాద్ జట్టులో చేరితే బ్యాటింగ్ పరంగానే కాకుండా జట్టు పగ్గాలను సమర్ధవంతంగా నిర్వర్తిస్తారని జట్టు మేనేజ్ మెంట్ భావిస్తోంది. జట్టు సారధిగా హైదరాబాద్ ను గిల్ ఎలా నడిపిస్తాడో చూడాలి.
