టీడీపీ అధినేత చంద్రబాబును తమిళ సూపర్ స్టార్ రజినీకాంత్ కలిశారు. హైదరాబాద్ లోని ఆయన నివాసంలో చంద్రబాబును కలిశారు. అయితే, చంద్రబాబును రజినీకాంత్ ఎందుకు కలిశారన్నది క్లారిటీ లేదు. మర్యాదపూర్వక భేటీగానే టీడీపీ వర్గాలు అంటున్నాయి.
చంద్రబాబుతో రజినీకాంత్ కు సన్నిహిత సంబంధాలున్నాయి. ఈ కారణంతోనే హైదరాబాద్ వచ్చినప్పుడు అప్పుడప్పుడు చంద్రబాబును కలుస్తుంటారని చెబుతుంటారు. అదే సమయంలో.. బాబు కుటుంబంలో ఎవైన శుభకార్యాలు ఉన్నప్పుడు రజినీకాంత్ ను ప్రత్యేకంగా ఆహ్వానిస్తుంటారు.
అయితే, పవన్ కళ్యాణ్ తో భేటీ ముగిసిన మరుసటి రోజే రజినీకాంత్ చంద్రబాబు ఇంటికి వెళ్ళడం హాట్ టాపిక్ అయింది. సినీ ప్రముఖులు వరుసగా వైసీపీకి వ్యతిరేకంగా వ్యవహరిస్తున్నారు. మోహన్ బాబు, రజినీకాంత్ స్నేహితులు. గత ఎన్నికలకు ముందు మోహన్ బాబు వైసీపీకి మద్దతు తెలిపారు.
వైసీపీ అధికారంలోకి వచ్చాక ఆయన రాజకీయాలకు దూరంగానే ఉంటున్నారు. ఆయనకు ప్రభుత్వంలో, పార్టీలో కనీసం పదవి కూడా కట్టబెట్టలేదు. ఈ మధ్య ఓసారి చంద్రబాబుతో భేటీ అయ్యారు. కారణం ఏంటో తెలియదు కాని ఒక్కొక్కరు వైసీపీని వ్యతిరేకిస్తూ చంద్రబాబు దగ్గరకు క్యూ కడుతున్నారు. ఇక రజినీకాంత్ ఎందుకు చంద్రబాబును కలిశారో స్పష్టత రావాల్సి ఉంది.
Also Read : టీడీపీ – జనసేన పొత్తు కుదిరినట్లే..!?
