జబర్దస్త్ ద్వారా కడుపుబ్బా నవ్వించే పంచ్ ప్రసాద్ జీవితంలో ఎవరికీ కనిపించని విషాదం దాగి ఉంది. ఇప్పటికే కిడ్నీ ప్రాబ్లంతో బాధపడుతోన్న ప్రసాద్ ను మరో జబ్బు కబళించింది. దీంతో ప్రసాద్ నిత్యనరకం అనుభవిస్తూ నడవలేని స్థితిలోకి వెళ్ళిపోయాడు. తాజాగా తన యూట్యూబ్ ఛానెల్ షేర్ చేసిన వీడియోలో పంచ్ ప్రసాద్ తీవ్ర నొప్పితో విలవిల్లాడుతూ కనిపించాడు. ప్రస్తుతం ఇందుకు సంబంధించిన వీడియో సోషల్ మీడియాలో వైరల్ అవుతు అందర్నీ కంటతడి పెట్టిస్తోంది.
జబర్దస్త్ ఆర్టిస్ట్ నూకరాజు పోస్ట్ చేసిన ఈ వీడియోలో ను పోస్ట్ చేశాడు. తన ఆరోగ్య పరిస్థితిని బయట ప్రపంచానికి తెలియజేసేందుకు పంచ్ ప్రసాద్ అనాసక్తి చూపించాడు. తనను కన్విన్స్ చేసేందుకు ట్రై చేసినా ప్రసాద్ నిరాకరించడంతో చాటుగా చాటుగా ఈ వీడియో తీసి ఆయన ఆరోగ్య పరిస్థితిని చూపించాడు నూకరాజు. పంచ్ ప్రసాద్ ఆరోగ్య పరిస్థితిని అతని భార్య వివరించింది.
ఓ రోజు షూటింగ్ ముగించేసుకొని ఇంటికొచ్చిన ప్రసాద్..తీవ్రమైన నడుం నొప్పితో బాధపడ్డాడు. నడవడానికి కూడా ఇబ్బంది పడ్డాడు. ప్రసాద్ కు ఎందుకిలా జరిగిందో వైద్యులకు కూడా మొదట అంతు పట్టలేదు. వైద్యపరీక్షలు చేస్తే నడుం వెనక కుడికాలి వరకు చీము పట్టేసినట్లు తెలిసిందని ఆమె బాధపడుతూ చెప్పింది. ఈ వీడియో ప్రసాద్ కు ఇష్టం లేకపోయినా షూట్ చేసి పోస్ట్ చేస్తున్నట్లు నూకరాజు చెప్పుకొచ్చాడు. అభిమానులు అతనికి సపోర్ట్ చేయాలనీ కోరాడు.
