తెలంగాణలో రియల్ ఎస్టేట్ రంగం పుంజుకుంది. అసెంబ్లీ ఎన్నికల తర్వాత వరుస ఎన్నికలతో హైదరాబాద్‌తో పాటూ రాష్ట్రవ్యాప్తంగా రియల్ ఎస్టేట్ రంగం జోరు కాస్త తగ్గింది. అయితే సీఎం రేవంత్ రెడ్డి తీసుకుంటున్న నిర్ణయాలు, చేస్తున్న అభివృద్ధితో గత ఏడాదిగా రియల్ ఎస్టేట్ రంగం పరుగులు పెడుతోంది. ఇటీవల రాష్ట్ర ప్రభుత్వం నిర్వహిస్తున్న వేలంలో ప్రభుత్వ భూములకు డిమాండ్ ఆకాశాన్ని అంటుతోంది.
ఇప్పటికే ఎకరం 177 కోట్లు పలుకగా…తాజాగా హెచ్ఎండీఏ నిర్వహించిన వేలంలో కోకాపేట నియోపోలిస్ లే అవుట్ లో ఎకరం భూమి 151.25 కోట్లు పలికింది. మొత్తం రెండు ప్లాట్లు వేలం వేయగా…ప్రభుత్వానికి ఏకంగా రూ.1352 కోట్లు వచ్చి ఖజానాలో పడ్డాయి. ప్లాట్ నెంబర్ 15లో 4.03 ఎకరాలుండగా ఎకరా 151.25 కోట్ల చొప్పున మొత్తం రూ.609.5 కోట్లకు GHR అర్బన్ బ్లాక్స్ & లక్ష్మీ ఇన్‌ఫ్రాకు చెందిన గుమ్మడి లక్ష్మీనారాయణ దక్కించుకున్నారు. ఇక రెండో ప్లాట్ అయిన ప్లాట్ నెం.16న హైదరాబాద్‌లో ఈ మధ్ విస్తరిస్తున్న గోద్రెజ్ ప్రాపర్టీస్ కొనుగోలు చేసింది. మొత్తం 5.03 ఎకరాలుండగా ఎకరాకు రూ.14.75 కోట్ల చొప్పున రూ.743 కోట్లకు ప్లాట్ నెంబర్ 16ను గోద్రెజ్ ప్రాపర్టీస్ దక్కించుకుంది. ఇక్కడ ఎకరాకు ప్రారంభ ధర రూ.99 కోట్లుగా నిర్ణయించారు. కానీ 50 శాతం ఎక్కువ ధరకు భూమిని దక్కించుకునేందుకు కంపెనీలు పోటీ పడ్డాయి.
కొద్ది నెలల క్రితం రాయదుర్గంలో టీజీఐఐసీ భూముల్లో ఎకరాకు రూ.177 కోట్లు పలికింది. అయితే 2023లో జరిగిన నియోపొలిస్ ఆక్షన్లలో సగటు ధర ఎకరాకు సుమారు రూ.73 కోట్లు మాత్రమే పలికింది. ప్రస్తుత ఫలితాలు భూ విలువల్లో 87శాతం పెరుగుదలతో ఎకరాకు రూ.150 కోట్లకు పైగా పలకడం విశేషం. ఈ ధరలు నియో పొలిస్ లేఅవుట్ పై పెట్టుబడిదారులకు ఉన్న నమ్మకాన్ని చూపిస్తున్నాయి. ఈ రెండు ప్లాట్ల వేలంతో ప్రభుత్వానికి భారీ స్థాయిలో ఆదాయం వస్తోంది. సీఎం రేవంత్ రెడ్డి ప్రభుత్వం వచ్చిన తర్వాత రియల్ ఎస్టేట్ రంగం పడిపోయిందని బీఆర్ఎస్ చేస్తున్న ప్రచారంలో నిజం లేదని మరోసారి రుజువైంది.
