త్వరలో జరగనున్న గుజరాత్ అసెంబ్లీ ఎన్నికల్లో టీమిండియా ఆల్ రౌండర్ రవీంద్ర జడేజా భార్య రివాబా జడేజా పోటీ చేయనున్నారు. ఆమె జామ్ నగర్ నార్త్ నియోజకవర్గం నుంచి బీజేపీ అభ్యర్థిగా బరిలో నిలువనున్నారు. ఈమేరకు బీజేపీ ప్రకటించిన అభ్యర్థుల్లో రవీంద్ర జడేజా భార్య పేరు కూడా ఉంది.
రివాబా జడేజాకు బీజేపీ తరుఫున పోటీ చేసే అవకాశం కల్పించడంపై రవీంద్ర జడేజా ట్విట్టర్ వేదికగా స్పందించారు. ముందుగా ప్రధాని మోడీ, కేంద్ర హోం మంత్రి అమిత్ షా కు కృతజ్ఞతలు తెలిపారు. తన భార్యపై నమ్మకం ఉంచి బీజేపీ టికెట్ కేటాయించడం ఆనందంగా ఉందన్నారు.
అటు తన భార్యకు కూడా శుభాకాంక్షలు తెలిపారు జడేజా. బీజేపీ తరుఫున పోటీ చేయడం గర్విస్తున్నానని అన్నారు. ప్రజా సేవలో ముందుకు సాగాలని, ప్రజలకు నేరుగా సేవ చేసే అదృష్టం దక్కడం అభినందనీయమని పేర్కొన్నారు.
