తెలంగాణ కాంగ్రెస్ సీనియర్ నేత మర్రి శశిధర్ రెడ్డి బీజేపీలో చేరడం ఖరారు అయింది. ఢిల్లీ వెళ్లి బీజేపీ నేతలతో సంప్రదింపులు జరిపిన శశిధర్ రెడ్డి తాజాగా కాంగ్రెస్ ను వీడుతున్నట్లు అధికారికంగా ప్రకటించారు.
కాంగ్రెస్ ను వీడటం బాధగానే ఉన్నప్పటికీ, తప్పనిసరి పరిస్థితుల్లో తప్పడం లేదని శశిధర్ రెడ్డి వెల్లడించారు. తనతోపాటు మరికొంతమంది నేతలు బీజేపీలో చేరుతారని తెలిపారు. కాంగ్రెస్ క్యాన్సర్ తో బాధపడుతోందని… ఇప్పట్లో క్యాన్సర్ నుంచి కాంగ్రెస్ బయటపడే సూచనలు కనిపించడం లేదన్నారు.
టీఆర్ఎస్ కు బిగ్ షాక్ – కాంగ్రెస్ లోకి తుమ్మల, జూపల్లి..!?
కాంగ్రెస్ ను వీడుతున్నట్లు ప్రకటించిన శశిధర్ రెడ్డి టీపీసీసీ చీఫ్ రేవంత్ రెడ్డిపై ధ్వజమెత్తారు. రేవంత్ వైఖరి సరిగా లేదని, ప్రతిష్టాత్మకమైన మునుగోడు ఉప ఎన్నికను తేలిగ్గా తీసుకున్నారని మండిపడ్డారు. కాంగ్రెస్ ను ఎవరు వీడిన అందుకు రేవంతే బాధ్యత వహించాలంటూ పసలేని వ్యాఖ్యలు చేశారు.
