మరోసారి టీడీపీ అధినేత చంద్రబాబుపై రెచ్చిపోయారు కొడాలి నాని. గన్నవరం వెళ్లి ఒక్కొక్కడి అంతు తెలుస్తానని మాట్లాడుతున్న చంద్రబాబుకు దమ్ముంటే సెక్యూరిటీని వదిలి తమతో ఫైట్ కు రావాలని సవాల్ విసిరారు. చంద్రబాబుకు పిచ్చి పట్టిందని.. ఆ పిచ్చిలో ఏదేదో మాట్లాడుతున్నారని తనదైన శైలిలో రెచ్చిపోయారు కొడాలి నాని.
చంద్రబాబు పిచ్చి ఛాలెంజ్లకు ముఖ్యమంత్రి జగన్ స్పందించరని.. చంద్రబాబుకు తామే ఎక్కువని వ్యాఖ్యానించారు. మెంటల్ ఆసుపత్రి నుంచి తప్పించుకొని వచ్చినట్లు చంద్రబాబు ఏదేదో మాట్లాడుతున్నారని.. వెంటనే ఆయన్ను పిచ్చాస్పత్రిలో గానీ, జైల్లో గానీ పెట్టాల్సిన అవసరం ఉందన్నారు. జగన్ రాజ్యాంగంపై ప్రమాణం చేసిన వ్యక్తి కనుక చంద్రబాబు చిల్లర మాటలకు జగన్ స్పందించరని తెలిపారు.
లోకేష్ ఓ బ్రెయిన్ లెస్ కిడ్ అని సెటైర్లు వేశారు కొడాలి నాని. 7పదుల వయస్సు వచ్చినా ఇంకా కొట్టుకుందాం..పోలీసులు లేకుండారా అని చంద్రబాబు సవాల్ విసురుతున్నారు… చంద్రబాబుకు దమ్ముంటే ఎమ్మెల్యే పదవికి రాజీనామా చేసి.. సెక్యూరిటీని వదిలేసి రావాలి. తాను, వల్లభనేని వంశీ కూడా ఎమ్మెల్యే పదవికి రాజీనామా చేసి వస్తామని కొడాలి నాని చెప్పారు. చంద్రబాబే ప్లేసు డిసైడ్ చేయాలనీ.. ఆయన రమ్మన్న చోటుకు తాము వస్తామని అన్నారు.
నల్లమల ఫారెస్టా..? లేక మచిలీపట్నం వద్ద సముద్రంలో 20 కిలోమీటర్లు వెళ్లిన తరువాత పడవల్లో కొట్టుకుందామా..? ఛత్తీస్గడ్, ఒడిశా అడవుల్లో కొట్టుకుందామా..? నీతోపాటు లోకేష్ను, ముసలి రౌడీలను కూడా తీసుకురా.. ఒక్క దెబ్బతో దరిద్రం వదిలిపోతుంది. రాష్ట్రానికి పట్టిన శని, దరిద్రం విరగడైపోతుంది. చంద్రబాబు మైండు ఉండే మాట్లాడుతున్నాడా..? అని మండిపడ్డారు.
చంద్రబాబుకు బాలకృష్ణ పూనినట్టు ఉన్నాడని.. ఆయన సినిమాల్లో డైలాగ్ లు చెబితే చంద్రబాబు రాజకీయ జీవితంలో వాటిని డబ్బింగ్ చెప్తున్నారని ఎద్దేవా చేశారు కొడాలి నాని.
