గ్రేటర్ హైదరాబాద్ అసెంబ్లీ నియోజకవర్గాలపై ఫోకస్ పెట్టిన కాంగ్రెస్, గోషామహల్ నుంచి ఓ ఫేమస్ సింగర్ కు అవకాశం ఇవ్వాలనుకుంటుంది. ఆస్కార్ అవార్డ్ ను గెలుచుకున్న రాహుల్ సిప్లిగంజ్ ను గోషామహల్ బరిలో దింపాలని భావిస్తున్నట్లు ప్రచారం జరుగుతోంది. స్థానికుడు, బీసీ సామజిక వర్గానికి చెందిన రాహుల్ కు గోషామహల్ లో మంచి పట్టుంది. ఈ విషయం గ్రహించే గోషామహల్ నియోజకవర్గంలో రాహుల్ ను బరిలో నిలిపితే ఎలా ఉంటుందని సర్వే కూడా చేయించినట్లు సమాచారం.
ఈ సర్వే రిపోర్ట్ లోనూ రాహుల్ కు అనుకూలంగా రిజల్ట్ వచ్చినట్లు పొలిటికల్ సర్కిల్లో టాక్ నడుస్తోంది. రాహుల్ కు ఆస్కార్ వచ్చినప్పుడు ప్రభుత్వం పట్టించుకోలేదని.. తగిన విధంగా గౌరవించలేదని రేవంత్ రెడ్డి ఫైర్ అయ్యారు. ఆస్కార్ అవార్డుతో వచ్చిన రాహుల్ ను సన్మానించిన కాంగ్రెస్ నేతలు.. కాంగ్రెస్ అధికారంలోకి వస్తే రాహుల్ కు 5కోట్లు, ఇంటి స్థలం ఇస్తామని హామీ ఇచ్చారు. అప్పుడే రాహుల్ ను రాజకీయాల్లోకి తీసుకువస్తే ఎలా ఉంటుందని చర్చించారట.
సర్వే రిపోర్ట్ లో రాహుల్ కు పాజిటివ్ గా రిజల్ట్ రావడంతో రాహుల్ తో సంప్రదింపులు కూడా జరుపుతున్నారట కాంగ్రెస్ నేతలు. దీనిపై ఇంకా రాహుల్ ఎలాంటి నిర్ణయం చెప్పలేదని.. కాకపోతే ఎన్నికల్లో ఓడితే ఇన్నాళ్ళు సంపాదించుకున్న ఇమేజ్ డ్యామేజ్ అవుతుందని ఆయన సన్నిహితులు చెప్పినట్లు టాక్. అందుకే గోషామహల్ నుంచి పోటీపై ఆయన ఎలాంటి నిర్ణయం తీసుకోలేదని అంటున్నారు.
Also Read : 28మంది బీఆర్ఎస్ ఎమ్మెల్యేలపై అనర్హత వేటు..?
