‘బెస్ట్ ఒరిజినల్ సాంగ్’ కేటగిరిలో ‘ఆర్ఆర్ఆర్’ చిత్రానికి ఆస్కార్ అవార్డ్ దక్కడంతో ఇండియన్ సినీ ఇండస్ట్రీ ‘ఆర్ఆర్ఆర్’ మూవీ యూనిట్ కు శుభాకాంక్షలు తెలుపుతోంది. బాలీవుడ్ ,కోలీవుడ్ , మాలీవుడ్ అనే తేడా లేకుండా ప్రతి ఒక్కరు ‘ఆర్ఆర్ఆర్’ చిత్రానికి కంగ్రాట్స్ చెబుతున్నారు.
ఇప్పటివరకు ‘ఆర్ఆర్ఆర్’ కు శుభాకాంక్షలు తెలిపిన ప్రముఖులు… మొత్తం మూవీ యూనిట్ కు శుభాకాంక్షలు తెలుపుతున్నారు.పేర్లను ప్రస్తావిస్తూ కంగ్రాట్స్ చెప్పారు. హీరోలు రామ్ చరణ్ , ఎన్టీఆర్ పేర్లను ప్రస్తావిస్తూ శుభాకాంక్షలు చెబుతుండగా బాలకృష్ణ మాత్రం ఎన్టీఆర్ పేరును ప్రస్తావించకపోవడం చర్చనీయాంశం అవుతోంది.
‘ఆర్ఆర్ఆర్’ కు ఆస్కార్ అవార్డ్ దక్కడంపై బాలకృష్ణ స్పందించారు. ‘ప్రపంచం లోనే అత్యున్నత అవార్డ్స్ అయినా ఆస్కార్స్ గెలిచినందుకు గాను #RRR మూవీ టీం మొత్తానికి నా శుభాకాంక్షలు తెలియజేస్తున్నాను.’బెస్ట్ ఒరిజినల్ సాంగ్’ క్యాటగిరిలో ‘నాటు నాటు’ పాటకి అవార్డు లభించడం అనేది భారతీయ సినీ చరిత్ర లో అద్భుతమైన ఘట్టం. ఇది కేవలం తెలుగు జాతి మాత్రమే కాదు, మన దేశం మొత్తం గర్వించదగ్గ విషయం.ఈ సందర్భంగా మ్యూజిక్ డైరెక్టర్ కీరవాణి కి, లిరిక్ రైటర్ చంద్ర బోస్ కి మరియు #RRR మూవీ టీం కి నా శుభాకాంక్షలు, అలాగే బెస్ట్ డాక్యుమెంటరీ ఫిలిం గా అవార్డు గెలిచినందుకు గాను ‘ఎలిఫెంట్ విష్పర్స్’ కి కూడా నా శుభాకాంక్షలు తెలియజేస్తున్నాను’ అంటూ బాలయ్య ట్వీట్ చేశారు.
ట్విట్టర్ వేదికగా శుభాకాంక్షలు తెలిపిన బాలయ్య ఇందులో ఎన్టీఆర్ పేరు కానీ రామ్ చరణ్ పేరు కానీ ఎక్కడ ప్రస్తావించలేదు. ఎన్టీఆర్ పేరు ప్రస్తావించడం ఇష్టం లేక రామ్ చరణ్ పేరుని కూడా ప్రస్తావించకుండా బాలయ్య శుభాకాంక్షలు తెలిపారని నెటిజన్లు అంటున్నారు. ఇటీవల తారకరత్న పెద్దకర్మలోనూ అందర్నీ పలకరించిన బాలయ్య…ఎన్టీఆర్ ను పలకరించలేదు. ఈ నేపథ్యంలోనే తాజాగా ఎన్టీఆర్ సినిమాకు అవార్డ్ వచ్చినా ఆయన ఎన్టీఆర్ పేరును ప్రస్తావించకపోవడం సోషల్ మీడియాలో సెన్సేషనల్ టాపిక్ గా మారింది.
Winners ✊#Oscar#GlobalStarNTRatOscars pic.twitter.com/3YatDzkvTp
— Nandamuri Balakrishna™ (@NBK_Unofficial) March 13, 2023
