టీడీపీ అధినేత చంద్రబాబు సభలో మరోసారి విషాదం చోటుచేసుకుంది. గుంటూరు వికాస్ నగర్ లో ఎన్టీఆర్ జనతా వస్త్రాలు, చంద్రన్న సంక్రాంతి కానుక పంపిణీలో తొక్కిసలాట జరగడంతో ఓ మహిళా అక్కడిక్కడే మృతి చెందింది.
చంద్రబాబు సభకు జనం పెద్ద ఎత్తున రావడంతో సభా ప్రాంగణంలో ఒక్కసారిగా తోపులాట జరిగింది. ఒకరునొకరు తోసుకోవడంతో జనాలు కిందపడిపోయారు. ఈ తొక్కిసలాటలో ఓ మహిళా అక్కడిక్కడే మృతి చెందగా మరో ముగ్గురు తీవ్ర అస్వస్థతకు గురయ్యారు. వారిని ఆసుపత్రికి తరలించగా చికిత్స పొందుతూ ఇద్దరు మృతి చెందారు. చంద్రబాబు వెళ్ళిన తరువాత కానుకలు తీసుకోవడానికి భారీగా మహిళలు తరలిరావడంతో ఈ తొక్కిసలాట చోటుచేసుకుంది.
ఈ ఘటనపై స్థానికులు మండిపడుతున్నారు. సభా నిర్వాహకులపై ఆగ్రహం వ్యక్తం చేస్తున్నారు. ఇదిలా ఉండగా.. ఇటీవల కందుకూరులో జరిగిన చంద్రబాబు సభలో తొక్కిసలాటలో ఎనిమిది మంది మృతి చెందిన సంగతి తెలిసిందే.
