గ్రేటర్ హైదరాబాద్ కాంగ్రెస్ కమిటీ కో – ఆర్డినేటర్ రోహిన్ రెడ్డిని అభినందించారు రాష్ట్ర కాంగ్రెస్ వ్యవహారాల ఇంచార్జ్ మాణికం ఠాగూర్. తెలంగాణలో భారత్ జోడో యాత్ర పూర్తి స్థాయిలో విజయవంతం కావడం పట్ల హర్షం వ్యక్తం చేసిన ఆయన.. ఇందులో క్రియాశీలక పాత్ర పోషించిన రోహిన్ రెడ్డికి ట్విట్టర్ ద్వారా ధన్యవాదాలు తెలిపారు.
తెలంగాణలో భారత్ జోడో యాత్ర ప్రవేశించిన నాటి నుంచి ముగింపు వరకు పబ్లిసిటీ వ్యవహారాలను అన్ని తానై చూసుకున్నారు రోహిన్ రెడ్డి. ఎల్ఈడీ తెరలు, రాహుల్ యాత్ర సాగే రూట్ లో ప్లెక్సీలు, స్వాగతతోరణాలు ఏర్పాటు చేసి అందరి దృష్టిని ఆకర్షించారు.
ఖైరతాబాద్ నియోజకవర్గ పరిధిలో జరిగిన భారత్ జోడో యాత్ర బహిరంగ సభకు రోహిన్ రెడ్డి చేసిన ఏర్పాట్లు ఔరా అనిపించాయి. మొత్తం ట్యాంక్ బండ్ పరిసర ప్రాంతాలను కాంగ్రెస్ కళతో ఉట్టిపడేలా చేయడమే కాకుండా జన సమీకరణతో బహిరంగ సభను సక్సెస్ చేశారు.
భారత్ జోడో యాత్రకు పబ్లిసిటీ తీసుకురావడంతోపాటు ఏఐసీసీ అద్యక్ష బాధ్యతలను చేపట్టిన తరువాత మొదటి సారి హైదరాబాద్ కు వచ్చిన మల్లిఖార్జున ఖర్గేకు అడుగడునా స్వాగత తోరణాలు ఏర్పాటు చేయడంతో రోహిన్ రెడ్డిని ప్రత్యేకంగా అభినందించారు.
ఈ క్రమంలోనే తెలంగాణలో భారతో జోడో యాత్రకు విశేష స్పందన లభించిందని రాష్ట్ర కాంగ్రెస్ వ్యవహారాలను పర్యవేక్షించే మాణికం ఠాగూర్ కు ఏఐసీసీ నుంచి అభినందనలు రావడంతో.. ఇందులో ముఖ్య భూమిక పోషించిన రోహిన్ రెడ్డిని తాజాగా మాణికం ఠాగూర్ అభినందిస్తూ ఈమేరకు ట్వీట్ చేశారు.
