మంచు వారి ఇంట్లో విబేధాలు ముదిరి రచ్చకెక్కాయి. మంచు మనోజ్ – మంచు విష్ణుల మధ్య విబేధాలు తారాస్థాయికి చేరడంతో మనోజ్ సన్నిహితుడిపై విష్ణు దాడి చేసిన వీడియోను సోషల్ మీడియాలో పోస్ట్ చేశాడు. ఎప్పుడు తన సన్నిహితులపై విష్ణు ఇలాగే దాడి చేస్తాడని పెర్కొనడటంతో ఇద్దరి మధ్య గొడవలు చాలా కాలంగానే జరుగుతున్నాయని తేలిపోయింది.
అయితే మనోజ్ సోషల్ మీడియాలో పోస్ట్ చేసిన వీడియోను మోహన్ బాబు రంగంలోకి దిగడంతో డిలీట్ చేశాడు. మరోవైపు అన్నదమ్ముల మధ్య విబేధాలు కామన్ అని మంచు లక్ష్మి సర్ది చెబుతోంది. అయితే.. మనోజ్ దగ్గర మరిన్ని వీడియోలు ఉన్నాయని వాటిని కూడా త్వరలోనే బయటపెడుతాడని ప్రచారం జరుగుతోంది.
నిజానికి మంచు వారి బ్రదర్స్ మధ్య విబేధాలు కొత్తవేమీ కాదు. ఎప్పటి నుంచే ఉన్నవే. ఇప్పుడు అవి ముదిరిపాకన పడి బయటకొచ్చాయి అంతే. ఐతే మనోజ్ విడుదల చేసిన వీడియో ఇప్పటిది కాదన్నది ఆయన సన్నిహిత వర్గాల మాట. ఇలాంటి వీడియోలు మనోజ్ దగ్గర చాలానే ఉన్నాయని కానీ ఇటీవల విష్ణు వైఖరి మరింత ఇబ్బందికరంగా మారడంతో ఓ వీడియోను సోషల్ మీడియాలో వదిలాడని అంటున్నారు.
సమయం వస్తే మరిన్ని వీడియోలను కూడా మనోజ్ బయటపెట్టె అవకాశం ఉందని అభిప్రాయాలు సినీ వర్గాలు వ్యక్తం చేస్తున్నాయి.క్రమశిక్షణకు ప్రాణం ఇచ్చే మోహన్ బాబు రంగంలోకి దిగడంతో రోజు వ్యవధిలోనే ఇష్యూ సద్దుమణిగిందని లేదంటే మనోజ్ మరిన్ని వీడియోలు బయటపెట్టెవాడని చెబుతున్నారు.
Also Read : మంచు మనోజ్ పైన మంచు విష్ణు దాడి ఎందుకు చేశాడో తెలుసా .. ?
