ప్రాణానికి ప్రాణంగా ప్రేమించాడు. ప్రియురాలితో జీవితాంతం హ్యాపీగా ఉండాలని ఎన్నో కళలు కన్నాడు. కాని విధి వారిని విడదీసింది. ప్రియురాలిని అనారోగ్యం బలి తీసుకోవడంతో…ఆమె మృత దేహానికి తాళి కట్టి ఇకపై మరెవరిని పెళ్లి చేసుకోనని ప్రియుడు శపథం చేశాడు.పూర్తి వివరాల్లోకి వెళ్తే..
మోరిగావ్‌కు చెందిన బిటుపన్ తములి, కౌసువ గ్రామానికి చెందిన 24 ఏళ్ల ప్రాథనా బోరా ప్రేమించుకున్నారు. ఇటీవల అనారోగ్యంతో ప్రాథనా బోరా మృతి చెందింది. విషయం తెలిసి తములి తట్టుకోలేకపోయాడు. విగత జీవిగా ప్రాథనా బోరాను చూసి కన్నీటి పర్యంతమయ్యాడు. జీవితాన్ని తనతోనే పంచుకోవాలని భావించిన బిటుపన్ తములి మృతి చెందిన తన ప్రియురాలి మృత దేహానికి తాళి కట్టాడు. అంతే కాదు…తాను బతికినంత కాలం ప్రాథనా బోరా పంచిన ప్రేమతో బతుకుతాను అంటూ..జీవితంలో ఇక ఎవర్ని పెళ్లి చేసుకోనని శపథం చేశాడు.
తములి ప్రేమతో కూడిన ఆవేదనను చూసిన వారంతా ఒక్కసారిగా విలపించారు. స్వచ్ఛమైన ప్రేమకు వీరు నిదర్శనమని చెప్పారు. ఈ సంఘటన అస్సాం రాష్ట్రం అస్సాంలోని మోరిగావ్ జిల్లాలో జరిగింది
