డబ్బు కోసం కన్నతండ్రే బిడ్డను అమ్ముకున్న ఘటన వరంగల్ జిల్లాలో సంచలనం జరిగింది .డబ్బుకు ఆశ పడితే ఎంత వరకైనా తేగించోచ్చు అనడానికి ఇదోక ఉదాహరణ గా చెప్పొచ్చు.నాలుగేళ్ల బాలుడు ఎక్కడ కనిపించపోవడం తో బాలుడి కుటుంబ సభ్యులు ఆందోళన చెందారు.విషయం తెలిసిన బాలుడి మేన మామ కుటుంబ సభ్యులతో కలసి పోలీసులకు ఫిర్యాదు చేసారు.పోలీసులకు ఫిర్యాదు చేసిన కుటుంబ సభ్యులతో బాలుడి తండ్రి పెంచుకోవడానికి బంధువులకు ఇచ్చానంటూ చెప్పాడు.బాలుడి ఆచూకి కొరకు వరంగల్ పోలీస్ లు విచారణ ప్రారభించారు.
కరీమాబాద్‌కు చెందిన మసూద్ నాలుగేళ్ల కొడుకు అయాన్ అదృశ్యమయ్యాడు. బాలుడు కనిపించక ఇంట్లో వాళ్లు ఆందోళన చెందుతున్నా తండ్రి పట్టించుకోకుండ మౌనంగా ఉన్నాడు.బాలుడి తండ్రి తప్ప కుటుంబ సభ్యులందరూ కన్నీరుమున్నీరుగా విలపిస్తున్నారు. ఈ విషయాన్ని తన సోదరుడితో చెప్పుకుని బోరున విలపించింది. దీంతో అక్క ఇంటికి వచ్చిన అక్బర్.. బావ ప్రవర్తన చూసిన అక్బర్ పోలీసులకు ఫిర్యాదు చేశాడు. డబ్బుకు ఆశపడి గుట్టుచప్పుడు కాకుండా కొడుకును అమ్మేశాడని ఆరోపించాడు.
కేసు నమోదు చేసుకున్న పోలీసులు.. మసూద్ ను అదుపులోకి తీసుకుని విచారణ ప్రారంభించారు.మసూద్ తన కొడుకుని అమ్మలేదని,పోచమ్మ మైదాన్ లో ఉంటున్న తమ బంధువులకు పెంచుకోవడానికి ఇచ్చానని మసూద్ చెప్పాడు. ఇందులో నిజానిజాలను తేల్చేందుకు పోలీసులు విచారణ జరుపుతున్నారు.కేసును మిల్స్ కాలనీ స్టేషన్ నుంచి మట్టెవాడ పోలీస్ స్టేషన్ కు బదిలీ చేసినట్లు వివరించారు. అయితే, బంధువులకు పెంచుకోవడానికి ఇస్తే ఇంట్లో వాళ్లకు చెప్పకుండా చేయాల్సిన అవసరమేంటని అక్బర్ తన బావను ప్రశ్నించాడు.
